У Мінскім раёне жанчыну пакусала шалёнае ваверчаня
![Вавёрка (ілюстрацыйнае фота)](/sites/default/files/styles/gallery_main/public/2024-08/squirrel-4515962_1280.jpg.webp?itok=1CoLZicZ)
Вавёрка (ілюстрацыйнае фота) / pixabay.com
У Мінскім раёне жанчыну пакусала шалёнае ваверчаня, якое яна напярэдадні падабрала. Здарэнне адбылося ў Ратамцы. Спярша звярок паводзіў сябе мірна, але потым раптам накінуўся і пакусаў гаспадыню. Са шматлікімі ўкусамі яна звярнулася ў Мінскую раённую ветэрынарную станцыю. Пры абследаванні вірус шаленства ў вавёрачкі пацвердзіўся, піша pristalica.by.
Паколькі невядома, дзе да гэтага жыло ваверчаня, у раёне, дзе яго знайшлі, раскідаюць прынады з вакцынай ад шаленства.
Сёлета ў Мінскім раёне ўжо зафіксавалі 12 выпадкаў заражэння шаленствам. Людзей кусалі лісы, вожыкі, мышы, каты і сабакі. У большасці выпадкаў людзі прымаюць у сябе бездаглядных жывёл, якіх рэдка паказваюць ветэрынарам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.