Вялікабрытанія і Канада далучыліся да санкцый ЕС супраць уладаў Беларусі
Вялікабрытанія і Канада далучыліся да санкцый ЕС супраць уладаў Беларусі. 21 чэрвеня быў афіцыйна апублікаваны 4-ы пакет санкцый Еўрасаюза. У "чорны спіс" дадаліся 78 фізічных і 8 юрыдычных асоб.
Канада ўвяла санкцыі супраць 17 фізічных асоб (сярод іх — бізнесмены Аляксей Алексін, Аляксандр Зайцаў, Мікалай Варабей) і 5 арганізацый (БелАЗ, "Новая нафтавая кампанія", МАЗ, "Белаэранавігацыя", Bremino Group), а Вялікабрытанія — супраць 11 фізычных асобаў і 2 арганізацый.
У панядзелак былі апублікаваныя і новыя санкцыі ЗША супраць афіцыйнага Мінска.
ЕС, ЗША, Вялікабрытанія і Канада выступілі з сумеснай заявай аб увядзенні ўзгодненых санкцый. У ёй падрэсліваецца агульная заклапочанасць сітуацыяй з правамі чалавека, з асноўнымі свабодамі ў Беларусі. У адказ на гэта і на пасадку пасажырскага самалёта Ryanair, затрыманне Рамана Пратасевіча і Сафіі Сапегі і былі ўведзены санкцыі. Аўтары заявы заклікаюць улады Беларусі "спыніць рэпрэсіўную практыку ў адносінах уласнага народу".
