Выжыць за кратамі: што адбываецца ў СІЗА КДБ з лідарам БНФ?
Лідар Партыі БНФ Рыгор Кастусёў, затрыманы ў межах так званай “справы аб замаху на Лукашэнку”, знаходзіцца ў СІЗА КДБ ужо паўгода. У сваіх лістах на волю палітвязень адзначае, што ягонае здароўе пагоршылася за той час, пакуль ён знаходзіцца за кратамі. Вядома, што ў 64-гадовага кіраўніка Партыі БНФ падазрэнне на анкалогію, аднак ні самому Кастусёву, ні ягоным сваякам не паведамляюць пра вынікі абследаванняў.
Якая апошняя інфармацыя пра стан здароўя Рыгора Кастусёва? Медычная дапамога за кратамі — ці абавязаныя яе аказаць? Ці ёсць магчымасці паўплываць на сітуацыю? На гэтыя ды іншыя пытанні адказваюць дачка палітвязня Кацярына Кастусёва і юрыст, прадстаўнік Святланы Ціханоўскай па прававых пытаннях Сяргей Зікрацкі.
