З Беларусі ў Расію везлі каля 13 тон груш пад прыкрыццём капусты

З Беларусі ў Расію везлі каля 13 тон груш пад прыкрыццём капусты. У Смаленскай вобласці груз перахапілі супрацоўнікі Рассельгаснагляду. Як паведамляе яго прэс-служба, паводле дакументаў у грузавіку знаходзілася 21 тона капусты са Столінскага раёна Брэсцкай вобласці. Яе везлі ў Санкт-Пецярбург. Аднак пад сеткамі з капустай расіяне знайшлі скрыні з грушамі, на якія ў перавозчыка дакументаў не было. У выніку грузавік развярнулі. Парушальніка чакае адміністрацыйная адказнасць.