ЗША — бронзавы прызёр ЧС па хакеі
Каманда ЗША на матчы за трэцяе месца / ss.sport-express.ru
Зборная ЗША перамагла каманду Германіі ў матчы за трэцяе месца на ЧС па хакеі ў Рызе. Каманды згулялі з лікам 6:1 (1:0, 4:0, 1:1).
На Чэмпіянаце свету ў Рызе супернікі сустрэліся другі раз. На групавым этапе таксама перамагла зборная ЗША з лікам 2:0. Так ЗША ўжо дзявяты раз атрымліваюць бронзавы медаль ЧС па хакеі.
За першае і другое месца будуць змагацца зборныя Фінляндыі і Канады. Пакуль сёлетні чэмпіён свету — Фінляндыя. Ці атрымаецца фінам пацвердзіць першынство стане вядома сёння. Матч пачнецца ў 20:15.
