Пасля скаргі беларускага журналіста з аўтобуса знялі расійскі сцяг (фота)
З кіроўцам ужо правялі тлумачальную гутарку.
Праязджаючы праз Глыбокае, Кастусь Шыталь пабачыў расійскі сцяг на лабавым шкле аўтобуса. Ён зайшоў у дыспетчарскую аўтавакзала і напісаў скаргу ў Кнігу заўваг і прапаноў.
Днямі ён атрымаў адказ з аўтапарку, у якім адзначаецца, што з кіроўцам праведзена тлумачальная гутарка ў сувязі са знаходжаннем старонніх прадметаў у аўтобусе. Расійскі сцяг з аўтобуса зняты.
