Павел Аракелян запусціў уласны праект з Вольскім на вакале (слухаць)

Вядомы беларускі джазавы інструменталіст, і вось як ужо пару гадоў удзельнік гурта "Крамбамбуля" прадставіў публіцы свой сольны праект. Тры кампазіцыі з яго ўжо можна паслухаць у сеціве.

У якасці вакалістаў у Павел запрасіў калегу пра "Крамбамбулі" Лявона Вольскага і уласную сястру Алену Аракелян.

"Гэта цалкам мой аўтарскі праект. Паколькі я цвяроза ацэньваю свае таленты вакаліста, а я не вельмі добры вакаліст, таму я запрасіў людзей з рэальна прыгожым голасам. У праекце праспявалі мая сястра Лена (Алена Аракелян) і Лявон Вольскі. Я ім вельмі ўдзячны за падтрымку. Тое, што падтрымае Лявон, я наогул не чакаў. Тым не менш, ён пагадзіўся, і я вельмі задаволены, як гучаць песні", — распавёў Аракелян парталу tut.by.

Тэксты, як і музыка таксама цалкам належаць аўтарству Паўла, усе яны напісаныя на беларускай мове, якую музыка называе мовай для творчасці:

"Гэта мой дэбют як аўтара тэкстаў. Беларуская мова для мяне — мова творчасці. Я яе нават у нейкай ступені менш расцэньваю як мову камунікацыі, хоць яна мне, безумоўна, вельмі падабаецца".

Па словах Паўла Аракеляна, у яго вельмі шмат накідаў, але пакуль матэрыяльныя рэсурсы дазволілі запісаць толькі тры кампазіцыі і ў бліжэйшы час не раіць чакаць працягу.