У Барысаўскім раёне ідзе бой з умоўным бандфармаваннем і дыверсантамі
Вайскоўцы Узброеных Сілаў Беларусі праводзяць вучэнні на палігоне "Барысаўскі".
Як інфармуе БЕЛТА, аэрамабільную роту 103-й гвардзейскай асобнай мабільнай брыгады там дэсантавалі з верталётаў Мі-8. Высадку прыкрывалі верталёты Мі-24 і асобны танкавы батальён 11-й гвардзейскай механізаванай брыгады. Цяпер гэтыя падраздзяленні выконваюць задачу па барацьбе з умоўным незаконным узброеным фармаваннем і дыверсійна-разведвальнымі групамі ўмоўнага праціўніка.
Вучэнні адбываюцца ў рамках другога этапа праверкі баявой гатоўнасці Узброеных Сілаў.
