Узброеныя маладыя людзі рабавалі вёску ў Барысаўскім раёне
Спачатку трое невядомых прыйшлі ў адзін з дамоў вёскі Замужанне, яны збілі і звязалі 59-гадовую гаспадыню, пагражалі ёй пісталетам і нажом.
Зламыснікі забралі залатыя завушніцы і ўцяклі. У той жа вёсцы хлопцы зайшлі ў яшчэ адну хату, зноў пагражалі зброяй, звязалі 82-гадовую гаспадыню. У яе яны забралі 10 мільёнаў рублёў.
Як паведамляе БЕЛТА, міліцыя высветліла, што злачынствы ўчынілі беспрацоўныя жыхары горада Талочын. Іх затрымалі. Дваім з іх па 26 гадоў, аднаму — 22. Адзін трапляў за краты за рабунак, другі — за рабунак і незаконны абарот наркатычных сродкаў. Скрадзенае ў вёсцы забранае і будзе вернутае гаспадарам.
Фота — Fotolia
