17 верасня другі раз за два тыдні даражэе паліва: АІ-92 — 8400, ДП — 9200
У сярэднім кошты на бензін і салярку вырастуць на 7-8%. З гэтым падаражэннем кошты на паліва ў Беларусі абгоняць маскоўскія.
17 верасня ў Беларусі другі раз за два тыдні даражэе аўтамабільнае паліва. Кошты на салярку і бензін вырастуць на 7-8%. Пра гэта Еўрарадыё распавялі адразу на некалькіх мінскіх аўтазапраўках.
Такім чынам, кошты з 17 верасня будуць наступнымі:
АІ-92 — 8400
АІ-95 — 9100
ДП — 9200
ДП Еўра — 9400
Нагадаем, апошні раз кошты на паліва выраслі 3 верасня. Тады бензін і салярка падаражэлі на 400-500 рублёў.
Канцэрн “Белнафтахім” павышэнне коштаў як заўсёды не каментуе. Відавочна, што яно звязана з павелічэннем акцызу: з 28 жніўня акцыз на бензін вырас у сярэднім на 45%, а на дызельнае паліва — на 70%.
“Павышэнне акцызаў звязанае з нашымі абавязальніцтвамі ў межах Еўразійскай эканамічнай прасторы па ўніфікацыі акцызнай палітыкі на бензін/паліва і на гарэлку. І другое, гэта звязана з "падцягваннем" коштаў да ўзроўню хаця б Расійскай Федэрацыі. З тым, каб не было такога агрэсіўнага вывазу паліва, як мы гэта назіралі, напрыклад, у 2011 годзе”, — распавёў на мінулым тыдні ў размове з карэспандэнтам Еўрарадыё, міністр эканомікі Мікалай Снапкоў. Пры гэтым ён адзначыў, што кошт бензіну не будзе даражэй чым у Расіі.
“Для нас нявыгадна павышаць кошты да ўзроўню Еўрасаюза. Мы будзем прытрымлівацца нашых дамоваў з Расійскай Федэрацыяй і прыкладна мець парытэт коштаў на паліва”, — заўважыў Снапкоў.
Адзначым, што цяпер кошты на паліва ў Беларусі нават перагналі кошты ў Расіі. Напрыклад, у Маскве літр дызеля ў пераліку на беларускія каштуе 8900 рублёў, а АІ-92 — каля 8 тысяч. А ў расійскіх рэгіёнах — яшчэ танней: АІ-92 можна купіць крыху больш чым за 7 тысяч.
Табліца. Як павышаліся кошты на паліва ў 2012-2013 гадах:
17.09.2013 |
03.09.2013 |
16.01.2013 |
03.10.2012 |
08.06.2012 |
11.04.2012 |
|
АІ-92 |
8400 |
7800 |
7400 |
6950 |
6650 |
6300 |
АІ-95 |
9100 |
8300 |
7800 |
7500 |
7150 |
6800 |
Дызпаліва |
9200 |
8500 |
8000 |
7650 |
7300 |
6950 |