Алесю Міхалевічу працягнулі тэрмін затрымання ў СІЗА КДБ да 10 сутак
Пра гэта Еўрарадыё паведаміў адвакат затрыманага экс-кандыдата ў прэзідэнты Алег Агееў. Па словах юрыста, спярша Міхалевіча затрымалі на трое сутак, цяпер гэты тэрмін працягнулі. Аднак ніякага абвінавачання палітыку яшчэ не выстаўлялі. Па заканчэнні 10 сутак затрымання КДБ мусіць альбо выставіць абвінавачанні, альбо адпусціць экс-кандыдата.
