Аляксандр Лукашэнка павіншаваў Барака Абаму толькі сёння

Аляксандр Лукашэнка накіраваў віншаванні Бараку Абаму з абраннем на пасаду прэзідэнта ЗША. Пра гэта Еўрарадыё паведаміў прэс-сакратар беларускага кіраўніка Павел Лёгкі. Разам з тым Лёгкі не змог сказаць дакладна, калі менавіта былі адпраўленыя віншаванні новаму амерыканскаму прэзідэнту. Афіцыйнае паведамленне з'явіцца з хвіліны на хвіліну.

Лёгкі: Яны ўжо ёсць. У мяне інфармацыя з'явілася некалькі хвілінаў таму... Зараз будзе -- абнаўляецца сайт.

Дарэчы, нашыя суседзі Расія і Ўкраіна павіншавалі новага амерыканскага кіраўніка яшчэ 5 лістапада.