Амерыканец, які прыехаў у Беларусь з Літвы, не звязаны з інцыдэнтам у Пабрадзе
Беларуска-літоўская мяжа, ілюстрацыйнае фота
Грамадзянін ЗША, які прыбыў з Літвы ў Беларусь у пустым грузавым вагоне, не мае дачынення інцыдэнту з амерыканскімі вайскоўцамі ў Пабрадзе.
"Ён ніяк не звязаны і не можа быць звязаны з падзеямі на палігоне Пабрадзе", — заявілі LRT у памежнай службе Літвы.
Паведамляецца, што амерыканец некалькі тыдняў перабываў у Літве законна. 26 сакавіка памежнікі размаўлялі з ім на мяжы з Расіяй, на вакзале ў Кібартай, а 27 і 30 сакавіка — на мяжы з Беларуссю, каля вакзала ў Кене.
Пра затрыманне 27-гадовага амерыканца стала вядома 31 сакавіка. Малады чалавек прыбыў з літвы ў пустым грузавым вагоне цягніка з Літвы.
Тым часам у літве працягваюцца пошукі чацвёртага са зніклых амерыканскіх вайскоўцаў. Яны ўдзельнічалі ў вучэннях на палігоне ў Пабрадзе і зніклі 25 сакавіка. Гусенічную машыну, у якой былі амерыканцы, выявілі ў багне і дасталі 31 сакавіка. Аднак у машыне былі целы толькі трох чальцоў экіпажа.
