Арына Сабаленка выйшла ў 1/32 фіналу Уімблдона
![Арына Сабаленка / j48tennis.net](/sites/default/files/styles/gallery_main/public/2023-08/sabalienka-0407.jpg.webp?itok=3TyPBXGv)
Арына Сабаленка / j48tennis.net
На тэнісным турніры ва Уімблдоне другая ракетка свету беларуска Арына Сабаленка выйшла ў другі круг спаборніцтваў.
4 ліпеня яна ў двух сэтах адолела прадстаўніцу Венгрыі Панну Удвардзі (82-і нумар сусветнага рэйтынгу) — 6:3, 6:1.
Матч працягваўся 1 гадзіну і дзве хвіліны.
У 1/32 фіналу саперніцай нашай тэнісісткі стане пераможца матча паміж Варварай Грачовай (Францыя, 41) і Камілай Джорджы (Італія, 48).
Напярэдадні ў другі круг Уімблдона выйшла Вікторыя Азаранка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.