Дагэтуль выяўляем у дзяржСМІ людзей, якія не падтрымліваюць Лукашэнку — Луцкі
![У дзяржаўных СМІ шукаюць "здраднікаў" / Ілюстрацыйнае фота pixabay.com](/sites/default/files/styles/gallery_main/public/2023-08/privacy-policy-1624400_1280_1.jpg.webp?itok=vSwD1vKh)
У дзяржаўных СМІ шукаюць "здраднікаў" / Ілюстрацыйнае фота pixabay.com
Намеснік кіраўніка Адміністрацыі прэзідэнта Ігар Луцкі (на здымку знізу) выказаўся пра тое, якой павінна быць дзяржаўная прапаганда ў Беларусі. У аўторак ён выступіў на пасяджэнні калегіі Міністэрства інфармацыі.
Луцкі заявіў, што на журфаку БДУ рыхтуюць "не проста журналістаў, а байцоў інфармацыйнага фронту" — прапагандыстаў. Падрыхтоўка кадраў — адна з асноўных задач, кажа ён. І не можа зразумець, як пасля "зачыстак" у дзяржаўных СМІ застаюцца іншадумцы.
"На жаль, дагэтуль мы выяўляем у структурах СМІ людзей, якія не падтрымліваюць дзяржаўную палітыку", — кажа намеснік кіраўніка Адміністрацыі прэзідэнта. А гэта значыць, што пошук "здраднікаў", які адбываецца ва ўстановах Мінкультуры, працягнецца і ў дзяржСМІ.
![Дагэтуль выяўляем у дзяржСМІ людзей, якія не падтрымліваюць Лукашэнку — Луцкі](/sites/default/files/styles/default_image_paragraph/public/paragraphs/image/000022_1677579876_552900_big.jpg.webp?itok=1imnrcJO)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.