"Экстрэмісцкай" прызналі ў Беларусі манаграфію пра нацысцкую акупацыю

Кніга пра нацысцкую акупацыю стала ў Беларусі "экстрэмісцкай"
Кніга пра нацысцкую акупацыю стала ў Беларусі "экстрэмісцкай"

У Беларусі прызналі "экстрэмісцкай" кнігу Святланы Казловай "Аграрная палiтыка нацыстаў у Заходняй Беларусi: Планаванне. Забеспячэнне. Ажыццяўленне".

Такое рашэнне 7 кастрычніка прыняў суд Цэнтральнага раёну Мінска.

Гэтая гістарычная манаграфія выйшла ў выдавецтве "Янушкевіч". На яе звярнулі ўвагу дзяржаўныя прапагандысты падчас пагрому ў кнігарні "Кнігаўка", які адбыўся сёлета ў траўні.

Цікава, што Святлана Казлова абараніла ў 2006 годзе дысертацыю кандыдата навук па аграрнай палітыцы нацыстаў на тэрыторыі Заходняй Беларусі ў 1941-1944 гадах. Верагодна, кніга напісаная на аснове гэтай манаграфіі, якую зацвердзіў Вышэйшы атэстацыйны камітэт Беларусі.
 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі