У Чылі здымаюць маштабны дакументальны фільм пра беларуса Ігната Дамейку
Ужо даступны трэйлер да фільма / Скриншот видео
У Чылі дакументаліст Эрык Беліда здымае фільм пра вялікага ўраджэнца Беларусі Ігната Дамейку пад назвай “Ігнасія Дамейка: жывая спадчына”, паведамляе канал “De facto. Беларуская навука”.
Аўтар фільма хоча падрабязна распавесці пра невядомую спадчыну бацькі горнай справы Чылі і “без сумневу, ключавой фігуры ў інтэлектуальным развіцці Чылі ў XIX стагоддзі”.
Шлях ураджэнца Беларусі (аўтары фільма называюць яго польска-чыцьійскім вучоным) будзе паказаны праз інтэрв’ю з вядомымі дзеячамі навукі і мастацтва, у прыватнасці з прадстаўнікамі геалогіі, горнай справы, вулканалогіі, абароны карэнных народаў, а таксама касмічнай навукі.
Ужо выйшаў трэйлер дакументальнага фільма.
Прэм’ера карціны адбудзецца ў канцы 2025 года.
Звязацца з аўтарамі фільма можна па пошце: erick@bellido.cl
Ігнат Дамейка — вучоны, падарожнік, нацыянальны герой
Ігнат Дамейка (1802–1889) — беларускі вучоны-мінералаг, удзельнік вызваленчага руху, рэктар Чылійскага ўніверсітэта і нацыянальны герой Чылі.
Нарадзіўся ў Навагрудскім павеце, вучыўся ў Віленскім універсітэце, дзе далучыўся да таемнага таварыства філаматаў. Пасля разгрома арганізацыі знаходзіўся пад наглядам, а ў 1830 годзе прыняў удзел у паўстанні супраць Расійскай імперыі.
