Дзяўчынка знайшла ў гародзе пад Мінскам пацерку, якой больш за 1100 гадоў

Унікальную знаходку ў музей "Стары Менск" прынесла сям'я з вёскі Гарадзішча, размешчанай каля сталіцы. Пра гэта распавядаецца ў інстаграм-акаўнце самога музея.

Дзяўчынка Ганна знайшла ў гародзе элемент старажытнага вырабу. Яна паказала знаходку бацькам, а сям'я адправілася ў музей, каб перадаць яму пацерку ў дар.

У музеі кажуць, што дзяўчынцы трапілася візантыйская пацерка, зробленая з каляровага шкла. Яна датуецца X стагоддзем — гэта значыць, знаходцы як мінімум 1100 гадоў.

Падобныя пацеркі ў Гарадзішчы знаходзяць рэгулярна. Але менавіта такіх у музеі ёсць толькі дзве штукі.