Форвард зборнай Беларусі, канадзец Франсіс Парэ завяршыў кар'еру
Франсіс Парэ / hockey.by
Форвард зборнай Беларусі, канадзец Франсіс Парэ завяршыў кар'еру, піша blick.ch. У пачатку сезона 35-гадовы хакеіст атрымаў траўму галавы. Парэ выступаў за швейцарскі клуб EHC Visp. Праз нейкі час пасля траўмы нападаючы часова вярнуўся на лёд, але вырашыў не рызыкаваць.
"Маё сэрца разрываецца з-за таго, што мне даводзіцца прымаць гэтае рашэнне, — кажа Франсіс Парэ. — Мне вельмі цяжка".
Парэ выступаў за беларускую зборную на чэмпіянаце свету 2021 года, у шасці матчах набраў 1 ачко. Таксама гуляў у алімпійскай кваліфікацыі (тры сустрэчы, 1 ачко). Канадзец выступаў у КХЛ за мінскае "Дынама", за клубы Славакіі, Харватыі, Расіі, гуляў у АХЛ.
Цяпер беларускі хакей пад санкцыямі.
