ІП у Беларусі прыпыняюць працу — чакаюць дакладнага тлумачэння па цэнах
Прадпрымальнікі закрылі гандлёвыя павільёны ў Баранавічах / nashkraj.by
ІП у Беларусі прыпыняюць працу, іх гандлёвыя павільёны не адкрыліся. Прыходзяць звесткі з розных гарадоў — з Ліды, Магілёва, Наваполацка, Гомеля, Брэста, Гродна, Смаргоні, Віцебска, Дзяржынска, Маладзечна, Мінска, Пінска, Кобрына, з Баранавічаў. Як піша газета "Наш край", яны чакаюць дакладнага тлумачэння, як далей выкарыстоўваць механізм цэнаўтварэння. Да таго часу аднаўляць працу не хочуць. Гэтую акцыю ўжо пачынаюць называць страйкам.
Як вядома, урад увёў у нашай краіне рэгуляванне коштаў як на айчынныя, так і на імпартныя тавары. У чацвер стала вядома, што ў гэтую пастанову ўнесеныя праўкі. Розныя службы праводзяць у гандлёвых аб'ектах праверкі коштаў.
nashkraj.by
