Калдун не едзе на Еўрабачанне, затое Памэла Андэрсэн завітае ў Мінск
У Дзень дурня Аляксандр Ціхановіч змог разыграць Філіпа Кіркорава, пры чым так, што спявак ледзь не трапіў у лякарню. 1 красавіка Аляксандр патэлефанаваў Філіпу і сумным голасам паведаміў, што Зміцер Калдун не зможа трапіць на Еўрабачанне. Па словах Кіркорава, гэта быў першы выпадак, калі ён паверыў у красавіцкі жарт. Беларускія сродкі
масавай інфармацыі таксама знайшлі сваіх ахвяраў, нягледзячы на тое, што ў
гэтым годзе свята трапіла на нядзелю.
Вельмі ўдала пажартавала інфармацыйнае агенцтва “Інтэрфакс”. Там 1 красавіка з’явіліся ажно два “падманныя” артыкулы. Першы – пра хуткі візіт у Беларусь Памэлы Андэрсэн… Але ж у гэта ніхто не паверыў, нягледзячы нават на “сур’ёзную” рэпутацыю “Інтэрфаксу”…
А вось другі жарт выклікаў сапраўдны фурор… Паводле яго, кітайская кампанія Briillianse у хуткім часе павінна была наладзіць вытворчасць лімузінаў у Беларусі! Шмат беларускіх інфармацыйных сайтаў “купіліся” на гэтую інфармацыю. Нават галоўны партал TUT.BY не заўважыў ашуканства.
Адзначыўся і сайт “Салідарнасць”. У Дзень дурняў на ім з’явіўся артыкул “Лукашэнка — у НХЛ!”. У ім змяшчалася нібы інтэрв’ю са старшынёй беларускай федэрацыі хакею Уладзімірам Навумавым, галоўнай тэмай якога стала ініцыятыва заявіць найлепшы айчынны клуб краіны ў Нацыянальную хакейную лігу.
Дарэчы, паводле матэрыяла, агучана гэтая заява была на прэс-канферэнцыі, якая адбылася 1 красавіка ў будынку Нацыянальнай бібліятэкі. Распавядае намесніца рэдактара сайту “Салідарнасць” Алена Якжык:
“У нас падобны жарт быў 1 красавіка 2005 году пра Нацянальную бібліятэку. Тады мы пажартавалі, што ў Нацыянальнай бібліятэцы, якая тады яшчэ будвалася, будуць і рэстараны, і спартыўныя залы, і басейн, і нават хакейнае поле.
У прынцыпе, калі тады тэлефанавалі чытачы, яны казалі, што вось гэта жарт, але ў кожным жарце ёсць доля жарту.
А праз паўгады час паказаў, што шмат чаго напісанага ў тым матэрыяле здзейснілася. Там з’явіўся і рэстаран, і трэнажорная зала, і саўна… Таму рэакцыі на гэты матэрыял, які зараз у нас з’явіўся, я яшчэ не ведаю.
Чаму я ўзгадала пра той матэрыял? Таму што як бы жарт, але ў кожным жарце ёсць доля жарту”.
Цікавы жарт з’явіўся і на старонках штодзённай інтэрактыўнай газеты “Народныя навіны Віцебска”.
У ім была інфармацыя, што ў Віцебску для таго, каб вызначыць якой бялізне аддаюць перавагу віцебскія модніцы, у тратуарную плітку ўмантуюць лічбавыя фотакамеры. Распавядае аўтар артыкула Сяржук Серабро:
“Я думаю, што адсоткаў 30 паверылі, што гэта рэальна. Тым больш, што Віцебск — гэта горад у Беларусі, у якім, па статыстыцы, усталявана больш за ўсё камер назірання.
Так што для віцяблян гэта ўжо не дзіўна было, што з’явіліся камеры яшчэ і ў тратуарнай плітцы. Перш за ўсё рэакцыя была такой, што вельмі шмат людзей пачалі прыходзіць на наш сайт.
Потым у Жывым Журнале адзін чалавек схіляўся да думкі, што гэта можа быць выкарастана не для маркетынгавых даследаванняў, а для таго, каб гэтыя здымкі потым прадаць і выстаўляць у Інтэрнэце. Дарэчы, гэтым ён яшчэ больш разрэкламаваў гэты артыкул”.
А вось журналістам з Кувейта пашанцавала куды менш. Высветлілася, што гумар там не ўсе разумеюць… На іх збіраюцца завесці адміністрацыйную справу. Міністэрству інфармацыі не спадабаўся жарт, які прагучаў у тэлепраграме “Твой дом”.
У ім тэлежурналісты зрабілі заяву, што ўлады Эміратаў “прынялі рашэнне спісаць жыхарам усе запазычанасці па вяртанні крэдытаў”. Не дапамагло нават публічнае абвяржэнне гэтай інфармацыі, якое прагучала крыху пазней.
Вельмі ўдала пажартавала інфармацыйнае агенцтва “Інтэрфакс”. Там 1 красавіка з’явіліся ажно два “падманныя” артыкулы. Першы – пра хуткі візіт у Беларусь Памэлы Андэрсэн… Але ж у гэта ніхто не паверыў, нягледзячы нават на “сур’ёзную” рэпутацыю “Інтэрфаксу”…
А вось другі жарт выклікаў сапраўдны фурор… Паводле яго, кітайская кампанія Briillianse у хуткім часе павінна была наладзіць вытворчасць лімузінаў у Беларусі! Шмат беларускіх інфармацыйных сайтаў “купіліся” на гэтую інфармацыю. Нават галоўны партал TUT.BY не заўважыў ашуканства.
Адзначыўся і сайт “Салідарнасць”. У Дзень дурняў на ім з’явіўся артыкул “Лукашэнка — у НХЛ!”. У ім змяшчалася нібы інтэрв’ю са старшынёй беларускай федэрацыі хакею Уладзімірам Навумавым, галоўнай тэмай якога стала ініцыятыва заявіць найлепшы айчынны клуб краіны ў Нацыянальную хакейную лігу.
Дарэчы, паводле матэрыяла, агучана гэтая заява была на прэс-канферэнцыі, якая адбылася 1 красавіка ў будынку Нацыянальнай бібліятэкі. Распавядае намесніца рэдактара сайту “Салідарнасць” Алена Якжык:
“У нас падобны жарт быў 1 красавіка 2005 году пра Нацянальную бібліятэку. Тады мы пажартавалі, што ў Нацыянальнай бібліятэцы, якая тады яшчэ будвалася, будуць і рэстараны, і спартыўныя залы, і басейн, і нават хакейнае поле.
У прынцыпе, калі тады тэлефанавалі чытачы, яны казалі, што вось гэта жарт, але ў кожным жарце ёсць доля жарту.
А праз паўгады час паказаў, што шмат чаго напісанага ў тым матэрыяле здзейснілася. Там з’явіўся і рэстаран, і трэнажорная зала, і саўна… Таму рэакцыі на гэты матэрыял, які зараз у нас з’явіўся, я яшчэ не ведаю.
Чаму я ўзгадала пра той матэрыял? Таму што як бы жарт, але ў кожным жарце ёсць доля жарту”.
Цікавы жарт з’явіўся і на старонках штодзённай інтэрактыўнай газеты “Народныя навіны Віцебска”.
У ім была інфармацыя, што ў Віцебску для таго, каб вызначыць якой бялізне аддаюць перавагу віцебскія модніцы, у тратуарную плітку ўмантуюць лічбавыя фотакамеры. Распавядае аўтар артыкула Сяржук Серабро:
“Я думаю, што адсоткаў 30 паверылі, што гэта рэальна. Тым больш, што Віцебск — гэта горад у Беларусі, у якім, па статыстыцы, усталявана больш за ўсё камер назірання.
Так што для віцяблян гэта ўжо не дзіўна было, што з’явіліся камеры яшчэ і ў тратуарнай плітцы. Перш за ўсё рэакцыя была такой, што вельмі шмат людзей пачалі прыходзіць на наш сайт.
Потым у Жывым Журнале адзін чалавек схіляўся да думкі, што гэта можа быць выкарастана не для маркетынгавых даследаванняў, а для таго, каб гэтыя здымкі потым прадаць і выстаўляць у Інтэрнэце. Дарэчы, гэтым ён яшчэ больш разрэкламаваў гэты артыкул”.
А вось журналістам з Кувейта пашанцавала куды менш. Высветлілася, што гумар там не ўсе разумеюць… На іх збіраюцца завесці адміністрацыйную справу. Міністэрству інфармацыі не спадабаўся жарт, які прагучаў у тэлепраграме “Твой дом”.
У ім тэлежурналісты зрабілі заяву, што ўлады Эміратаў “прынялі рашэнне спісаць жыхарам усе запазычанасці па вяртанні крэдытаў”. Не дапамагло нават публічнае абвяржэнне гэтай інфармацыі, якое прагучала крыху пазней.
