Хакеісты мінскага "Дынама" прайгралі омскаму "Авангарду"
![Хакеісты "Дынама-Мінск" / hcdinamo.by](/sites/default/files/styles/gallery_main/public/2023-08/dynama-1302_1.jpg.webp?itok=u_NnHyzO)
Хакеісты "Дынама-Мінск" / hcdinamo.by
У чэмпіянаце КХЛ хакеісты мінскага "Дынама" прайгралі ў гасцях омскаму "Авангарду".
Гульня скончылася з лікам 4:2 (0:0, 0:1, 4:1) на карысць гаспадароў. Першы гол у другім перыядзе забіў дынамавец Мікіта Зоркін. Але ў апошняй траціне сустрэчы дынамаўцы прапусцілі чатыры шайбы, здолеўшы самі забіць толькі яшчэ адну.
Гэта трэцяя запар параза "зуброў". На сёння каманда мае 63 ачкі і замыкае топ-8 камандаў Заходняй канферэнцыі. Апошні выязны паядынак дынамаўцы правядуць 15 лютага супраць "Барыса" з Астаны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.