Кітай дае 100 мільёнаў еўра на развіццё беларускай эканомікі

Кітай дае 100 мільёнаў еўра на развіццё беларускай эканомікі, інфармуе прэс-служба пасольства РБ у КНР. Крэдытнае пагадненне падпісалі 24 красавіка ў Пекіне. Сустракаліся беларускі пасол Кірыл Руды і старшыня праўлення Банку развіцця Кітая Чжао Хуан. Згаданыя фінансавыя рэсурсы атрымае "Беларусбанк".

Пагадненне было падпісанае напярэдадні трохдзённага візіту ў КНР Аляксандра Лукашэнкі.