Нацбанк хоча даваць больш экспартных крэдытаў — у чым рызыка?

Новы кіраўнік Нацбанка Раман Галоўчанка чакае ад банкаў "усебаковай дапамогі прадпрыемствам у знешнеэканамічнай дзейнасці" — іншымі словамі, хоча выдаваць больш экспартных крэдытаў.

Еўрарадыё спытала эканамістку, ці добрая гэта ідэя і да чаго могуць прывесці такія дзеянні кіраўніка Нацбанка.

Эканамічны дысбаланс і інфляцыйны ціск

Старшая навуковая супрацоўніца эканамічнага цэнтра BEROC Анастасія Лузгіна адзначае, што словы Галоўчанкі могуць значыць не толькі экспартныя крэдыты, але і прадстаўленне гарантый з боку банкаў.

— Безумоўна, гэта кажа пра тое, што цяпер будзе праводзіцца палітыка, скіраваная на стымуляванне банкаўскага сектара ў плане выдачы крэдытаў, — кажа эканамістка. — Гэта можа значыць не толькі крэдыты, але і, напрыклад, прадстаўленне гарантый з боку банкаў.

Гэта, вядома, нясе рызыку, з улікам таго, што сам Нацбанк да гэтага неаднаразова заяўляў, што яго турбуе рост крэдытавання. Але тут трэба разумець, што нават расійскі Цэнтральны банк сур'ёзна ўзмацніў грашова-крэдытную палітыку, каб збіць інфляцыйныя працэсы.