"Летась тушылі пажар, а бруднае адзенне працягвае вісець" — праверылі лясгас
У першага намесніка міністра лясной гаспадаркі было шмат цікавых знаходак / t.me/minleshoz/
Першы намеснік міністра лясной гаспадаркі Аляксандр Драгун правяраў Жлобінскі лясгас. Як піша прэс-служба міністэрства, ён выявіў недахопы і ў "пунктах засяроджвання сродкаў пажаратушэння" аднаго з лясніцтваў, і "на бураломных лесасеках".
"Яшчэ летась тушылі пажар, а бруднае адзенне працягвае вісець і ў гэтым. Элементарна не забяспечылі чыстку", — здзівіўся чыноўнік.
А яшчэ высветлілася, што былі "непісьменна закупленыя колбы для процігазаў". Таму яны не абараняюць ад монааксіду вугляроду. З ранцаў на зіму не была злітая вада, і іх не прасушылі. А ў ёмістасці з-пад вады першы намеснік міністра натрапіў на "рэшткі ад квасу". Перад ад'ездам ён запатрабаваў навесці там парадак.
А ў Верхнядзвінскім лясгасе Драгун выявіў арыгінальную арганізацыю рамонту тэхнікі мясцовым трактарыстам.
