Жыхары Лельчыцкага раёна скардзіліся чыноўнікам, што іх падманулі ў РФ

Жыхары Лельчыцкага раёна скардзіліся чыноўнікам, што іх падманулі ў РФ. "Ездзілі на заробкі ў Расію, прапрацавалі там 7 месяцаў, але так заробак і не атрымалі", — гаварылі вяскоўцы членам раённай камісіі па каардынацыі работы па садзейнічанні занятасці насельніцтва. Яе выязное пасяджэнне прайшло ў Бароўскім сельвыканкаме. 

Як піша раённая газета, большасць запрошаных "скардзіліся на няўдалы досвед працы за мяжой" — у Расіі. Іх заклікалі працаўладкоўвацца на радзіме.

У лютым камісія збіралася ў аграгарадку Буйнавічы ў Лельчыцкім раёне. Як мінімум палова беспрацоўных таксама казалі, што працавалі ў Расіі.