Мінскія ўлады прапануюць адпраўляць турыстаў у Зімбабвэ
Зімбабвэ / pixabay.com
Мінскія ўлады прапануюць адпраўляць турыстаў у Зімбабвэ. "Там вялізны турыстычны патэнцыял... Там ёсць, што паглядзець", — кажа ў эфіры "Альфа Радыё" першая намесніца старшыні Мінскага гарвыканкама Надзея Лазарэвіч. І дадае: "Калі арганізуем больш простую магчымасць туды дабрацца, то нашы людзі паедуць адпачываць".
Чыноўніца сцвярджае, што ў Зімбабвэ "прымальныя кошты". "Увогуле, нашым людзям будзе цікава", — кажа Лазарэвіч.
Рэжым Аляксандра Лукашэнкі намагаецца наладзіць выгаднае супрацоўніцтва з Зімбабвэ, дзе яго цікавяць найперш карысныя выкапні. І не толькі. "У адной з нашых гандлёвых сетак хутка павінна з'явіцца садавіна з Зімбабвэ", — анансавала першая намесніца старшыні Мінскага гарвыканкама.
pixabay.com
