На вуліцы Зыбіцкай у Мінску зачыняюцца некалькі вядомых установаў
![Паб Malt & Hops / officelife.media](/sites/default/files/styles/gallery_main/public/2023-08/zyba-1402.jpg.webp?itok=x8T09uFm)
Паб Malt & Hops / officelife.media
На тусовачнай вуліцы Зыбіцкай у Мінску зачыняюцца адразу некалькі вядомых установаў, паведамляе officelife.media.
Паб Malt & Hops, які працаваў там з 2014 года, у мінулую нядзелю апошні раз прымаў наведвальнікаў. Цяпер адтуль вывозяць маёмасць.
Побач зачыніўся гастрабар "Лес", а ў красавіку заканчваецца тэрмін арэнды ў бара "Чардак". Мяркуецца, што памяшканне таксама вызваліцца.
Прычынай такога масавага закрыцця называюць памяншэнне колькасці людзей, якія прыходзяць на Зыбіцкую, а таксама зніжэнне іх плацежаздольнасці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.