Польскія дальнабойнікі пачалі акцыю пратэсту на мяжы з Беларуссю

9 траўня польскія дальнабойнікі пачалі акцыю пратэсту на мяжы з Беларуссю. Яны анансавалі, што хочуць блакаваць рух фур у РБ праз мытны тэрмінал "Карошчын" (каля пункту пропуску "Кукурыкі" — "Казловічы", адзінага, дзе яшчэ праязджаюць грузавікі). Акцыя дазволеная, яна можа зацягнуцца на месяц.

Дальнабойнікі пратэстуюць супраць захопу беларускімі і расійскімі кампаніямі транспартнага рынку з перавозкамі на ўсход. Перавозчыкі патрабуюць забараніць уезд у Польшчу грузавікоў з беларускай і расійскай рэгістрацыяй, а таксама прыпыніць працу беларускіх і расійскіх прадпрыемстваў заснаваных у Польшчы, аднавіць дазволы для транспартных кампаній з Украіны.