Порцыі ў рэстаранах зменшыліся, але не патаннелі
На днях была распаўсюджана заява аб тым, што большасць сталічных рэстаранаў і кавярняў выканалі рэкамендацыі гарадскога кулінарнага савета зменшыць памер порцый страў і, адпаведна, знізіць на іх кошты. Агучыла яе старшыня кулінарнага савета, начальнік
вытворча-тэхналагічнага аддзела Галоўнага ўпраўлення спажывецкага рынку
Мінгарвыканкаму Валянціна Сталеўская.
Нагадаем, што напрыканцы мінулага году прайшло паседжанне сталічнага кулінарнага савета, па выніках якога ў рэстараны і кавярні былі разасланы рэкамендацыі па памерах і коштах страў.
Спецыялісты параілі рэстаранам, кавярням і барам абмежаваць кошт фірмовых страў.
Для прадпрыемстваў вышэйшай нацэначнай катэгорыі і класа люкс ён не павінен выходзіць за мяжу 1,5 базавай велічыні (на сённяшні дзень гэта 46,5 тысячаў беларускіх рублёў), установы першай катэгорыі павінны ўкласціся ў 1 базавую велічыню (31 тысяча), а для прадпрыемстваў другой катэгорыі ён павінен складаць не больш 0.8 базавай велічыні (амаль 25 тысячаў).
Не абмінулі і пытання якасці. Кулінарны савет прапанаваў адмовіцца ад страў, каларыйнасць якіх перавышае 1.000 кілакалорый, а таксама разумна карыстацца спецыямі, нехарактэрнымі для беларускай кухні.
Прагучалі пажаданні і аб змяншэнні порцый, напрыклад, рэкамендаваная вага выхаду салату 100-150 грамаў, першых страў — 250, а другой гарачай стравы з гарнірам — ад 250 да 350 грамаў.
Для таго каб даведацца, як гэтыя рэкамендацыі выконваюцца ў мінскіх кавярнях і рэстаранах? мы вырашылі звярнуцца да некаторых устаноў грамадскага харчавання. Распавядае намеснік дырэктара кафэ “Батлейка” Алена Менгель:
“Вялікіх зменаў у нас не адбылося. Мы ўлічылі нейкія заўвагі і выправіліся. Але гэта не прывяло да вялікага зніжэння коштаў. Перагледзелі тое, на што маглі б неяк зменшыць кошты.
Напрыклад, шмат хто лье дарагія каньякі, калі робіць фламбаванне (страву заліваюць каньяком і падпальваюць), можна выкарыстоўваць Хэнэсі, можна — Арарат, а можна —і беларускі каньяк.
Выкарыстанне танных спецый таксама зможа знізіць кошт. А самі памеры страў у нас і так былі не вельмі вялікімі. Горш за ўсё, што сама дзяржава павялічвае падаткі за кошт нас, спажыўцоў. Калі раней падатак быў 5 адсоткаў, то зараз стаў 10”.
Вельмі складана ўявіць сабе, як пры гэткіх умовах магчыма панізіць кошты. Зразумела, што такія крокі могуць прывесці да нерэнтабельнасці ўстаноў. Распавядае галоўны бухгалтар рэстарана Voglia Matta:
“Кошт у нас не панізіўся, і панізіцца ў нашай дзяржаве ён проста не можа. Як рэальна можа панізіцца кошт на стравы? Прадукты ўсе даражаюць, збор за паслугі быў 5 адсоткаў, а з 2007 году стаў 10 адсоткаў.
Мы яго вымушаны браць з пакупнікоў і пералічваць у бюджэт. Як вось у гэткіх абставінах можа знізіцца кошт на стравы? Толькі калі ўвесці прадпрыемствы ў страты.
Для спажыўцоў усё прадаваць па нізкім кошце. Каб не заставалася грошай ні на падаткі, ні на арэнду, ні на электрычнасць, якая таксама падаражала.
Я не толькі як галоўны бугалтар кажу, а як і звычайны чалавек, які карыстаецца ўсімі паслугамі ў нашай краіне. Я таксама набываю прадукты харчавання, плачу за электрычнасць і камунальныя паслугі…
З чаго мы можам панізіць кошты на стравы? Калі нам выконваць заканадаўства, то мы проста не можам яго знізіць”.
Фота — www.weightloss-central.info
Нагадаем, што напрыканцы мінулага году прайшло паседжанне сталічнага кулінарнага савета, па выніках якога ў рэстараны і кавярні былі разасланы рэкамендацыі па памерах і коштах страў.
Спецыялісты параілі рэстаранам, кавярням і барам абмежаваць кошт фірмовых страў.
Для прадпрыемстваў вышэйшай нацэначнай катэгорыі і класа люкс ён не павінен выходзіць за мяжу 1,5 базавай велічыні (на сённяшні дзень гэта 46,5 тысячаў беларускіх рублёў), установы першай катэгорыі павінны ўкласціся ў 1 базавую велічыню (31 тысяча), а для прадпрыемстваў другой катэгорыі ён павінен складаць не больш 0.8 базавай велічыні (амаль 25 тысячаў).
Не абмінулі і пытання якасці. Кулінарны савет прапанаваў адмовіцца ад страў, каларыйнасць якіх перавышае 1.000 кілакалорый, а таксама разумна карыстацца спецыямі, нехарактэрнымі для беларускай кухні.
Прагучалі пажаданні і аб змяншэнні порцый, напрыклад, рэкамендаваная вага выхаду салату 100-150 грамаў, першых страў — 250, а другой гарачай стравы з гарнірам — ад 250 да 350 грамаў.
Для таго каб даведацца, як гэтыя рэкамендацыі выконваюцца ў мінскіх кавярнях і рэстаранах? мы вырашылі звярнуцца да некаторых устаноў грамадскага харчавання. Распавядае намеснік дырэктара кафэ “Батлейка” Алена Менгель:
“Вялікіх зменаў у нас не адбылося. Мы ўлічылі нейкія заўвагі і выправіліся. Але гэта не прывяло да вялікага зніжэння коштаў. Перагледзелі тое, на што маглі б неяк зменшыць кошты.
Напрыклад, шмат хто лье дарагія каньякі, калі робіць фламбаванне (страву заліваюць каньяком і падпальваюць), можна выкарыстоўваць Хэнэсі, можна — Арарат, а можна —і беларускі каньяк.
Выкарыстанне танных спецый таксама зможа знізіць кошт. А самі памеры страў у нас і так былі не вельмі вялікімі. Горш за ўсё, што сама дзяржава павялічвае падаткі за кошт нас, спажыўцоў. Калі раней падатак быў 5 адсоткаў, то зараз стаў 10”.
Вельмі складана ўявіць сабе, як пры гэткіх умовах магчыма панізіць кошты. Зразумела, што такія крокі могуць прывесці да нерэнтабельнасці ўстаноў. Распавядае галоўны бухгалтар рэстарана Voglia Matta:
“Кошт у нас не панізіўся, і панізіцца ў нашай дзяржаве ён проста не можа. Як рэальна можа панізіцца кошт на стравы? Прадукты ўсе даражаюць, збор за паслугі быў 5 адсоткаў, а з 2007 году стаў 10 адсоткаў.
Мы яго вымушаны браць з пакупнікоў і пералічваць у бюджэт. Як вось у гэткіх абставінах можа знізіцца кошт на стравы? Толькі калі ўвесці прадпрыемствы ў страты.
Для спажыўцоў усё прадаваць па нізкім кошце. Каб не заставалася грошай ні на падаткі, ні на арэнду, ні на электрычнасць, якая таксама падаражала.
Я не толькі як галоўны бугалтар кажу, а як і звычайны чалавек, які карыстаецца ўсімі паслугамі ў нашай краіне. Я таксама набываю прадукты харчавання, плачу за электрычнасць і камунальныя паслугі…
З чаго мы можам панізіць кошты на стравы? Калі нам выконваць заканадаўства, то мы проста не можам яго знізіць”.
Фота — www.weightloss-central.info
