Капітана “Коста Канкордзіі” затрымалі
Франчэска Скеціна арыштаваны па патрабаванню італьянскай пракуратуры.
Яго абвінавачваюць ва ўцёках з судна, паведамляюць інфармагенцтвы. Капітан сышоў на бераг 13 студзеня каля 23:40 па мясцовым часе, у той час як апошнія пасажыры былі эвакуяваныя 14 студзеня каля 6:00.
Па словах пракурора, які займаецца расследаваннем
здарэння, капітан у момант катастрофы знаходзіўся на мастку, таму нясе поўную
адказнасць за тое, што здарылася. Пракурор лічыць, што да
адказнасці могуць быць прыцягнутыя і іншыя члены экіпажа.
Нагадаем, што пасажырскі
лайнер "Коста Канкордзія"
пацярпеў крушэнне блізу выспы Джыльі ўвечары 13 студзеня. На борце судна знаходзіліся
4234 пасажыра, у тым ліку тры
грамадзяніна Беларусі. У
выніку катастрофы загінулі тры чалавекі - двое грамадзян Францыі і перуанец,
член экіпажа лайнера. Ад 30 да 40 чалавек атрымалі розныя траўмы. Яшчэ каля 40 чалавек да гэтага часу
лічацца прапаўшымі без вестак.