У інтэрнэце збіраюць подпісы па справе Канавалава-Кавалёва
Петыцыя адрасаваная ААН і праваабарончай арганізацыі Human Rights Watch. Яе ініцыятары ставяць мэтай сабраць 100 тысяч подпісаў.
У петыцыі нагадваюць, што прысуд Дзмітрыя Канавалаву і Уладзіславу Кавалёву будзе вынесены 30 лістапада. Ніхто не спадзяецца на апраўдальны прысуд. Між тым, на думку аўтараў петыцыі, ёсць сумневы ў вінаватасці двух віцебскіх хлопцаў.
Нагадаем, што пракурор папрасіў пакараць абодвух смерцю.
Паставіць свой подпіс прапануюць тут. На 13 гадзін сабрана каля 300 подпісаў.
