У Пінску ў аварыі моцна пацярпелі двое дзяцей
На тратуары іх збіла машына.
Узрост кожнага з дзяцей - паўтара года. Яны двайняты. Дзяцей вывела на прагулку маці - яна таксама атрымала сур'ёзныя траўмы. Жанчына з дзецьмі ішла па тратуары, калі ў іх урэзаўся Volkswagen Passat, паведамляе onliner.by.
ДТЗ здарылася ўчора каля 16:15 на вуліцы Ракасоўскага. За рулём Volkswagen знаходзіўся мужчына. Па папярэдняй версіі, кіроўца выбраў небяспечную хуткасць руху, не ўлічыў ўмовы надвор'я і стан дарожнага пакрыцця.
