Румас і Мядзведзеў не падпісалі пагадненне аб візах
![Румас і Мядзведзеў не падпісалі пагадненне аб візах](/sites/default/files/styles/gallery_main/public/2023-08/rumas-1312.jpg.webp?itok=ObUqfjo8)
Кіраўнікі ўрадаў Беларусі і Расіі Сяргей Румас і Дзмітрый Мядзведзеў не падпісалі пагадненне аб узаемным прызнанні віз, паведамляе БЕЛТА. Раней анансавалася, што гэтае пагадненне будзе падпісанае менавіта 13 снежня на пасяджэнні Саўміна Саюзнай дзяржавы Беларусі і Расіі ў Брэсце.
Гэтае пагадненне, як паведаміў Сяргей Румас, будзе падпісанае пасля завяршэння ўнутрыдзяржаўных працэдур у Беларусі.
"Сёння мы не падпісвалі візавае пагадненне. Беларускі бок да пасяджэння Саўміна не паспеў скончыць унутрыдзяржаўныя працэдуры. Думаю, што ў бліжэйшы час мы іх скончым і пагадненне будзе гатовае да падпісання", — патлумачыў кіраўнік беларускага ўрада.