Рыка Крыгер напісаў прашэнне аб памілаванні, Лукашэнка прымае рашэнне
![Рыка Крыгер](/sites/default/files/styles/gallery_main/public/2024-07/6f2b55ed4fc7413dcae17fc4ef5f98c0.jpg.webp?itok=YmmV4lbn)
Рыка Крыгер / sb.by
Рыка Крыгер, грамадзянін Германіі, асуджаны ў Беларусі да расстрэлу, напісаў прашэнне аб памілаванні. Пра гэта ў аўторак паведаміла прэс-служба Аляксандра Лукашэнкі, а ён сам сабраў нараду, каб "параіцца". На яе нечакана запрасілі следчага, адваката і прапагандыстку Людмілу Гладкую, якая была на судовым працэсе над Крыгерам. Само пытанне Лукашэнка назваў "вельмі прыкрым".
Рыка Крыгер прыехаў у Беларусь 2 кастрычніка 2023 года, а 6 кастрычніка ўжо быў за кратамі. Сцвярджаецца, што ён падклаў выбухоўку, забраную са схованкі ў Мінску, на чыгуначнай станцыі Азярышча, якая выкарыстоўваецца для пагрузачна-разгрузачных аперацый з вайсковай тэхнікай. Выбух адбыўся позна ўвечары 5 кастрычніка. Ахвяр не было, а пашкоджанні былі нязначныя. Крыгер сваю віну ў "тэракце" не прызнаў, прызнаў толькі "агентурную дзейнасць". Магчыма, ён стаў ахвярай правакацыі.
![Рыка Крыгер напісаў прашэнне аб памілаванні, Лукашэнка прымае рашэнне](/sites/default/files/styles/default_image_paragraph/public/paragraphs/image/000019_1722339112_651191_big.jpg.webp?itok=3USvYqB1)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.