СБУ абнародавала размову баевікоў перад тым, як быў збіты Boeing (відэа)
Служба бяспекі Украіны апублікавала запіс тэлефонных перамоваў баевікоў.
Сцвярджаецца, што размова адбылоася за 2 хвіліны да таго, як баевікі збілі малайзійскі пасажырскі самалёт Boeing 777.
У СБУ кажуць, што запіс пацвярджае, што баевікі з групы падпалкоўніка ГРУ генштаба Узброеных сіл РФ Ігара Безлера (Беса) ведалі пра набліжэнне самалёта, паведамляе liga.net. Падначаленыя далажылі яму пра набліжэнне самалёта, пасля чаго ён даў каманду абвясціць пра гэта "наверх".
Нагадаем, што 17 ліпеня быў збіты пасажырскі самалёт Boeing 777 авіякампаніі Malaysia Airlines. На борце самалёта знаходзіліся 298 чалавек, усе яны загінулі.
