Старшыня КДБ ведае ўсіх апазіцыянераў пайменна

Па звестках КДБ апазіцыя не пагражае беларускаму рэжыму, улада ў краіне ёй не патрэбна, а жыве яна за кошт грантаў і яшчэ да таго ж абірае "нашых "свядомых". Як паведамляе Інтэрфакс, аб гэтым сёння на прэс-канферэнцыі ў Мінску заявіў старшыня КДБ Беларусі Юрый Жадобін.

"У так званую супольнасць дэструктыўных элементаў уваходзіць усяго 1767 асоб. Мы іх усіх ведаем пайменна, па прозвішчах, і іх не становіцца не больш, не менш", — сказаў Жадобін.