Суд па справе мастака Алеся Пушкіна зрабілі закрытым
Суд па справе мастака і палітвязня Алеся Пушкіна зрабілі закрытым. Такое рашэнне прыняла суддзя Алена Шылько, паведамляюць праваабаронцы.
Крымінальную справу 10 сакавіка пачаў разглядаць Мінскі гарадскі суд. Пушкіна абвінавачваюць у "наўмысных дзеяннях па рэабілітацыі нацызму, учыненых групай асоб" і ў "здзеку з дзяржаўных сімвалаў". Ён знаходзіцца за кратамі з сакавіка 2021-га.
Алесь Пушкін заявіў усім адвод, бо "не верыць у справядлівасць суда, пракуратуры і адвакатуры". Ён вырашыў абараняць сябе сам.
