Сёння пройдзе першы фольк-фэст “Полацкі сшытак-2010”

Фольк-фэст “Полацкі сшытак-2010” пройдзе ў нядзелю ў гарадскім Палацы культуры Полацка. У ім удзельнічаюць вядомыя беларускія гурты “Палац”, “Акана-NHS”, “Нагуаль”, “Стары Ольса”, а таксама лаўрэаты апошняга “Рок-Кола” расійскі гурт “Абвиотура”. У нядаўнім інтэрв'ю Еўрарадыё адзін з арганізатараў колішняй "Рок-Колы", а цяпер "Полацкага сшытку" Сяргей Анішчанка адзначыў: “Мы хочам, каб гэты фэст стаў традыцыйным на Полацкай зямлі. Калі сёлетні фэст пройдзе здорава, спадабаецца людзям, тады можна будзе працягваць рабіць яго, як “Рок-Колу””.

Арганізатары таксама бачаць фэст будучым удзельнікам дыялогу культур, фестывалем народаў свету, здольным паказаць беларусам музыку розных народаў.