У Барысаве выявілі мужчыну, які выкінуў з акна шостага паверха двух сабак
На 32-гадовага жыхара Барысава пачалі крымінальную справу за жорсткае абыходжанне з жывёламі: мужчына выкінуў двух сабак з акна шостага паверха. Інфармацыя пра гэта з'явілася ў тэлеграм-каналах, блізкіх да сілавікоў.
Жыхару Барысава пагражае да трох гадоў абмежавання або пазбаўлення волі.
Здарэнне адбылося ў ноч на мінулую суботу. Мясцовыя жыхары расказалі журналсіам, што два сабак загінулі, калі гаспадар выкінуў іх з акна шостага паверха.
Пазней жыхары дома адшукалі запіс з вулічнай відэакамеры. На ім было бачна, як жывёлы падаюць амаль адначасова. Адзін з іх пасля гэтага падымаецца, адыходзіць на недалёкую адлегласць, кладзецца, некалькі разоў спрабуе падняцца, але ўрэшце памірае.
