У цэнтры Данецка танк раздушыў аўтамабіль (відэа)
Пацярпелыя ў цяжкім стане трапілі ў лякарню.
У цэнтры Данецка, які цяпер кантралюецца сепаратыстамі “ДНР”, танк наехаў на легкавы аўтамабіль і літаральна раздушыў яго. Гэта здарылася сёння раніцай. Па словах відавочцаў, па гарадской вуліцы імчалася пяць браніраваных ваенных машын, сярод якіх могуць быць як танкі, так і БТР. Адна з гэтых машын урэзалася ў легкавік.
Як паведамляе УНІАН са спасылкай на мясцовыя ўкраінскія СМІ, пацярпелых у цяжкім стане павезла машына хуткай дапамогі. Іншыя абставіны здарэння невядомыя.
