У федэрацыі тэніса не каментуюць словы Сабаленка пра вайну і Лукашэнку
![Арына Сабаленка на "Ралан Гаросе" / Reuters](/sites/default/files/styles/gallery_main/public/2023-08/sabalienka-0706.jpg.webp?itok=HR5r6VNW)
Арына Сабаленка на "Ралан Гаросе" / Reuters
"Мы пакуль не будзем каментаваць яе прэс-канферэнцыю", — так кіраўнік Беларускай федэрацыі тэніса Сяргей Рутэнка адгукнуўся пра заяву Арыны Сабаленка. Яго словы цытуе "Зеркало".
Як распавядала Еўрарадыё, пасля выхаду ў паўфінал Адкрытага чэмпіянату Францыі 6 чэрвеня Арына Сабаленка дала прэс-канферэнцыю. Падчас яе спартоўка заявіла, што выступае супраць вайны і з гэтай прычыны не падтрымлівае Аляксандра Лукашэнку: "Я не падтрымліваю вайну, то бок не падтрымліваю Лукашэнку менавіта цяпер".
Відавочна, беларускія спартовыя чыноўнікі не ведаюць, як ставіцца да заявы тэнісісткі, і, верагодна, чакаюць указанняў зверху.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.