У Курапатах усталявалі фундамент пад мемарыяльны знак
Працы па добраўпарадкаванні Курапатаў на месцы, дзе ўсталююць памятны знак, мусяць завяршыцца да 15 лістапада. Пра гэта ў каментары Радыё "Свабода" паведаміў майстар будаўнікоў.
На ўзвышшы, вядомым пад назвай "Галгофа", ужо залілі фундамент для афіцыйнага мемарыяльнага знаку. Цяпер падмурак закрыты плёнкай.
Дарэчы, ужо ў гэтую нядзелю ў Курапатах пройдзе традыцыйнае шэсце і мітынг, прымеркаваны да Дзядоў — дня памяці продкаў.
Разам з тым на ўскраіне Курапатаў працягваюцца пікеты супраць рэстарана "Поедем поедим".
