У Маскве легкавік сам сабой заехаў у падземны пераход (відэа)
У Маскве легкавы аўтамабіль заехаў у пераход станцыі метро “Прафсаюзная”. Пры гэтым кіроўцы за рулём не было і машына скацілася па прыступках самаадвольна, інфармуе meduza.io са спасылкай на мясцовыя СМІ.
У гэтым здарэнні ніхто не пацярпеў, дый машына таксама не пабілася. Даставаць легкавік з пераходу давялося цэлай брыгадзе выратавальнікаў і камунальнікаў.
