У Мінску спынілі яшчэ адну выставу — цяпер пра "Чорны квадрат" Малевіча
На выставе ў гонар 110-годдзя "Чорнага квадрата" / facebook.com/mastatstva
У Мінску ўсяго тры дні працавала экспазіцыя, прысвечаная 110-годдзю "Чорнага квадрата" Казіміра Малевіча. Выставу "1,10 квадрата" часова закрылі "па тэхнічных прычынах", паведамляе фэйсбук-акаўнт Палаца мастацтваў, у вялікай зале якога яна праходзіла.
У экспазіцыі былі прадстаўленыя абстрактныя карціны. Што менавіта стала прычынай прыпынення працы выставы — не паведамляецца.
"Чорны квадрат" — бадай, самая вядомая праца мастака-супрэматыста Казіміра Малевіча і адна з самых вядомых карцін у гісторыі мастацтва. Малевіч належыў да Віцебскай школы жывапісу, якая аформілася ў першай чвэрці XX стагоддзя.
5 лютага ў Беларусі спыніць працу яшчэ адна выстава — прысвечаныя 100-годдзю Народнага пісьменніка Беларусі Васіля Быкава. Яна мусіла працаваць да 5 траўня.
"Самі думалі, што будзе даўжэй, але так выйшла", — заявілі супрацоўнікі Дзяржаўнага музея гісторыі беларускай літаратуры, дзе праходзіць выстава.
