У Мінску за год колькасць афіцыйных беспрацоўных вырасла ў чатыры разы

На канец ліпеня 2015 года колькасць беспрацоўных, зарэгістраваных у сталічных органах па працы, занятасцi i сацыяльнай абароне, склала 6600 чалавек, інфармуе БелаПАН. Гэта ў 4,3 раза больш, чым на канец ліпеня 2014 года. У параўнанні з канцом чэрвеня 2015-га колькасць беспрацоўных павялічылася на 3,6%.

Узровень зарэгістраванага беспрацоўя на канец ліпеня 2015 года склаў 0,6% ад эканамічна актыўнага насельніцтва. Год таму гэтая лічба была 0,1%.

У эканоміцы Мінска ў студзені-ліпені 2015 года было занята 1 млн 80,5 тыс. чалавек. Гэта на 0,9% менш, чым у студзені-ліпені 2014 года.

Фота: belaruspartisan.org