У Мінску з'явіліся білборды з пагрозамі за данаты
Білборд з пагрозамі / тг-канал сілавікоў
Білборды з пагрозамі за данаты з'явіліся ўздоўж Мінскай кальцавой аўтадарогі. Іх фотаздымкі апублікавалі тэлеграм-каналы, блізкія да сілавікоў.
Як адзначае праваабарончы цэнтр "Вясна", у Беларусі за данаты асуджаныя мінімум 58 чалавек — паводле артыкула за "фінансаванне экстрэмісцкай дзейнасці" (або ў сукупнасці з іншымі). Ім прысуджвалі ад 1,5 да 19 гадоў калоніі. За данаты ў структуры, прызнаныя ў Беларусі "экстрэмісцкімі фармаваннямі", пагражае да 5 гадоў калоніі. Прычым прысуд выносяць нават тым, хто рабіў данаты, калі арганізацыі яшчэ не былі прызнаныя "экстрэмістамі".
Таксама прысуды за данаты выносяць паводле артыкула аб "фінансаванні тэрарыстычнай дзейнасці". З такой фармулёўкай асудзілі мінімум двух чалавек на 9,5 і 8,5 года калоніі.
