У Пінску кошка чакае памерлую гаспадыню на прыпынку насупраць яе дома

У Пінску на прыпынку "Канцэртная зала" жыве котка. Карэспандэнты мясцовага выдання "Медыя-Палессе" сфатаграфавалі яе і размясцілі фота ў сацсетках.

У каментарах адна з чытачак сайта распавяла, што котка раней жыла ў доме праз дарогу ад прыпынку. Але яе гаспадыня памерла, і яна засталася адна ў пустой кватэры. Тады суседзі выпусцілі котку на вуліцу — і з тых часоў яна жыве на прыпынку і чакае сваю гаспадыню.

Людзі прыносяць котцы малако ў місачцы і просяць не крыўдзіць яе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.