У Турцыі заблакавалі базу ВПС ЗША
Доступ да ваенна-паветранай базы Інджырлік на поўдні Турцыі, якую разам выкарыстоўваюць турэцкія і амерыканскія ваенныя, заблакаваная. Там спынілі падачу электрычнасці, паведамляюць замежныя СМІ.
На базе знаходзяцца амерыканскія самалёты, якія ўдзельнічаюць у аперацыі супраць “Ісламскай дзяржавы”. Раней прадстаўнікі Пентагона заявілі, што спроба перавароту ў Турцыі не адбілася на бяспецы базы Інджырлік.
Ваенны мяцеж адбыўся ў Турцыі ў ноч на суботу, 16 ліпеня. Яго спрабавалі арганізаваць афіцэры ваенна-паветраных сілаў і ваеннай паліцыі. Падчас гэтых падзеяў загінула болей за 160 чалавек.
