Васьміметровую скульптуру барона Мюнхгаўзена паставілі ў Бярозе
Скульптура Мюнхгаўзена ў Бярозе / 1pr.by
Васьміметровая скульптура барона Мюнхгаўзена з'явілася ў Бярозе, піша сайт "Першы".
Яе паставілі на ўездзе ў бярозаўскі парк-гатэль "32.05" на мінулых выходных. Для памяншэння паруснасці прыкладна палова скульптуры зробленая ў "ажурным стылі", гэта значыць сабраная з металічных кольцаў.
Вядомы літаратурны персанаж стаў тварам парк-гатэля. Дарэчы, яго назва расшыфроўваецца як "32 траўня" — дзень, які вынайшаў Мюнхгаўзен. Сцены асноўнага гатэльнага будынка таксама шчодра ўпрыгожаныя карцінамі з выявай Мюнхгаўзена.
На фота можна пабачыць, наколькі маленькім выглядае чалавек побач з гэтай велізарнай фігурай "самага сумленнага ў свеце".
Скульптура Мюнхгаўзена ў Бярозе / 1pr.by
